Policia e Durrësit ka vënë në pranga dy persona për shitje kokainë.
Në pranga ka rënë Xhavit Llulla, pronari i një berberhane në lagjen nr.6, ambientit ku shitej kokaina. Gjithashtu është arrestuar dhe një shtetas tjetër i identifikuar si Muhamed Sinka.
Në cilësinë e provës materiale ka sekuestruar sasinë e kokainës të ndarë në doza të vogla gati për shtije, si dhe 1 peshore elektronike dhe 4 celularë.
Njoftimi i policisë:
Shitnin doza kokaine, në një berberhane në lagjen nr. 6, arrestohen në flagrancë pronari i subjektit dhe 1 shtetas tjetër.
Sekuestrohen një sasi kokaine, e ndarë në doza, gati për shitje, si dhe 1 peshore elektronike dhe 4 celularë.
Pas një hetimi të kryer nga Seksioni për Hetimin e Narkotikëve i DVP Durrës, në bashkëpunim me Prokurorinë e Durrësit, në kuadër të megaoperacionit kombëtar antidrogë të koduar “Tempulli”, u kapën në flagrancë dhe u vunë në pranga shtetasit Xh. Ll., 28 vjeç dhe M. S., 28 vjeç, të dy banues në Kavajë.
Në subjektin (berberhane) në pronësi të shtetasit Xh. Ll., shërbimet e Policisë gjetën një sasi kokaine, të ndarë në dhjetëra doza, me qëllim shitjen, si dhe 1 peshore elektronike që shërbente për këtë veprimtari kriminale.
Materialet procedurale i kaluan Prokurorisë, për veprime të mëtejshme.
