Shiu me intensitet të lartë që përfshiu këtë të shtunë të gjithë vendin nuk ka përjashtuar as Tiranën. Që prej orës 13.00 në Tiranë kanë filluar reshjet e dendura të shiut, duke shkaktuar edhe problemet e para.
Lumi Lana është “tërbuar” dhe ka dalë nga shtrati, pavarësisht ndërhyrjes në disa segmente të tij të ndërmarrjeve respektive të mirëmbajtjes.
Në të gjithë gjatësinë e tij për shkak të reshjeve të shumta Lana ka qenë rrezik. Videoja e mëposhtme tregon nivelin e lumit në pak minuta të reshjeve të shiut, të cilat nëse vazhdojnë, e përkeqësojnë edhe më shumë situatën.
Reshjet e shiut në Tiranë janë një tregues negativ edhe për trafikun, që rëndohet së tepërmi. Sakaq, njësitë e shërbimit të Bashkisë janë në terren për të shmangur situata më të rënda.
