Si pasojë e konfliktit fizik mes Rei Metës dhe Armando Meshaut, i cili përfundon me humbjen e jetës së këtij të fundit, policia e Vlorës ka shoqëruar nga dita e djeshme dhe deri më sot 10 persona.
Gazetari i ABC News, Elton Nika raporton se janë kryesisht dëshmitarë të ngjarjes dhe janë marrë dëshmi mbi momentin e përplasjes mes dy personave.
LEXO EDHE: Ngjarja në Vlorë/ I riu që la të vdekur inxhinierin është djali i anëtares së KLP-së, zbulohet arsyeja e sherrit
Po ashtu janë pyetur edhe të afërm të viktimës.
Grupi hetimor po vijon hetimet ndërsa janë sekuestruar edhe kamerat e sigurisë.
Nga policia deri më tani mësohet se shkak i përplasjes është një apartament që duhej të përfitonte 33-vjeçari, Rei Meta dhe për këtë shkak përplasja mes tyre vijonte prej disa muajsh.
