Qeskat nën sy dhe fryrjet mund të shkaktohen nga çdo gjë, nga alergjitë deri te problemet e gjumit, por trajtimet janë të disponueshme.
Sytë e fryrë, të ënjtur ose qeskat poshtë syve mund të ndodhin për disa arsye, nga konsumimi i tepërt i natriumit deri te të qarat ose alergjitë. Ka shumë opsione për të ndihmuar në trajtimin e fryrjes së syve, duke përfshirë kura në shtëpi dhe trajtimet kirurgjikale ose jokirurgjikale të lëkurës. Lexoni për të mësuar më shumë.
Çfarë i shkakton sytë e fryrë?
Shkaku themelor i ënjtjes së syve ka të bëjë me grumbullimin e lëngjeve. Lëngu mund të mblidhet rreth syve tuaj dhe indeve përreth lëkurës. Çdo ënjtje atje është e lehtë për t’u parë dhe e vështirë për t’u fshehur, sepse ky ind është ndër më të hollët në trupin tuaj.
Gjithashtu, për disa individë,lëkura e lirshme ose xhepat e yndyrës poshtë syve mund të jenë përgjegjëse për pamjen e ënjtur të syve.
Ekzistojnë gjithashtu disa faktorë që mund të kontribuojnë në ënjtjen e syve ose qeskat nën sy, duke përfshirë:
- Plakjen
- Alergjitë
- Konsumimi i tepërt i natriumit
- Gjenetika
- Mungesa e gjumit
- Pirja e duhanit
Trajtime për sytë e fryrë
Trajtimi do të bazohet në shkakun rrënjësor të ënjtjes së qepallave.Ka disa opsione që mund të ndihmojnë në reduktimin e fryrjes së syve.
Kura në shtëpi
Ka disa kura shtëpiake për ënjtjen e syve dhe qeskat nën sy, të tilla si:
- Kompresat e ftohta: Aplikimi i një komprese të ftohtë – si një leckë e ftohtë, qese çaji të ftohtë ose feta kastraveci – në sy për disa minuta mund të ndihmojë në uljen e ënjtjes.
- Trajtimet e qepallave: Trajtimet lokale të qepallave mund të ndihmojnë gjithashtu në lehtësimin e syve të fryrë. Përdorni një krem për sytë që përmban përbërës anti-inflamator, si kamomil ose kafeinë.
Ndryshimet në stilin e jetesës
Disa nga ndryshimet e stilit të jetesës që mund të ndihmojnë në reduktimin e pamjes së syve të ënjtur:
- Shmangia ose lënia e duhanit
- Shmangia e alergeneve, kur është e mundur, ose fërkimi i tepërt i qepallave
- Flini mjaftueshëm dhe flini me kokën lart
- Kufizimi i konsumit të natriumit
- Reduktimi i marrjes së lëngjeve para gjumit
Trajtimet e lëkurës
Ofrohen gjithashtu trajtime të lëkurës si peeling kimik dhe mbushës. Ato mund të ndihmojnë në uljen e shfaqjes së syve të fryrë duke shtrënguar lëkurën ose duke përmirësuar tonin e lëkurës.
Kirurgjia
Një operacion i qepallave, i njohur si blefaroplastikë, mund të jetë gjithashtu një opsion trajtimi. Kirurgjia përfshin heqjen ose ripozicionimin e yndyrës dhe ndonjëherë lëkurës shtesë për të reduktuar qeskat nën sy.
Kur të konsultoheni me mjekun?
Në përgjithësi, ënjtja e syve nuk duhet të ngrejë ndonjë shqetësim. Megjithatë, kërkoni kujdes nga një okulist nëse ënjtja rrinë përreth një kohe të gjatë ose nëse ju keni dhimbje, kruarje ose skuqje.
Gjithashtu, konsultohuni me mjekun nëse keni këto simptoma së bashku me qepallat e fryra:
- Shikim i dyfishtë
- Sytë që duken të fryrë
- Ethe
- Humbja e shikimit të mprehtë
- Probleme me lëvizjen e syve
Këto mund të tregojnë për një çrregullim ose infeksion të mundshëm të syrit që kërkon kujdes të menjëhershëm mjekësor.
Përmbledhje
Sytë e fryrë mund të jenë për shkak të mbajtjes së lëngjeve dhe mund të ndodhin për shkak të faktorëve si mungesa e gjumit, marrja e natriumit ose gjenetika. Trajtimet e mundshme përfshijnë kura në shtëpi, ndryshime në stilin e jetës, trajtime të lëkurës dhe kirurgji.
Trajtimet do të ndryshojnë në varësi të shkakut të syve të ënjtur. Gjithashtu, kërkoni kujdes mjekësor nëse përjetoni simptoma të tilla si ethe ose ndryshime të shikimit së bashku me sytë e fryrë.
Burimi: Health/Përshtati në shqip për Shëndeti.com.al: Anjela Hajdari
