Me debate po zhvillohet mbledhja në Këshillin e Lartë të Prokurorisë, ku po diskutohet vazhdimi apo jo i mandatit të kryetarit të këtij institucioni, Alfred Balla, i cili më 21 maj u përjashtua me 15 vjet nga sistemi i drejtësisë.
Debati është zhvilluar mes anëtarëve, Nurihan Seiti, Sokol Stojanit dhe nënkryetarit Tartar Bazaj.
Sipas Seitit mbledhja është e nxituar ndërsa shprehet se ende nuk është njohur me vendimin e Kolegjit të Posaçëm të Apelimit.
Nga ana tjetër, Bazaj u shpreh se nuk po nxitojnë për t’i zënë postin, ndërsa deklaroi se ai vetë nuk do të kandidojë për kryetar.
Ndërkohë, për mospraninë e Ballës në mbledhje, Seiti tha se është gabim fatal nga ana e tij.
Pas debateve, mbledhja u shty për disa orë.
Debati:
Seiti: Ca është ky nxitim? Kemi një vendim që s’na ka ardhur. Pse doni ta shtyni tjetrin dhe ta zëvendëoni. Kjo është çmenduri!
Bazaj: Nuk do të kandidoj për kryetar, e deklaroj publikisht. Zonja Seiti ju lutem të detyruar të përmbushni funksionin kushtetues
Seiti: Stojani ju nuk ishit në Romë, nuk e dini veprimtarinë atje.
Bazaj: Nëse do të isha unë do të kisha dhënë dorëheqjen dhe do kisha ikur në shtëpi
Seiti: Jepe sot, përjashtohu! Jeni në konflikt interesi. Balla është në detyrë se po diskutojmë mandatin e tij. Gabim ka bërë që ka ikur nga mbledhja, duhet të ishte këtu. Ka bërë gabim fatal!
Bazaj: Po bëheni objekt hetimi nga ILD. Lëri kolegët të flasin.