Kryetari Gupit Parlamentar të Partisë Socialiste, Taulant Balla në fjalën e tij në seancën plenare foli shkurtimishtm, duke i kërkuar të gjithë deputetëve të pranishëm të votojnë pro ngritjes së Komisionit Hetimor për shkarkimin e Presidentit Ilir Meta.
“Nuk ka shumë për të diskutuar më sot në këtë seancë, por si kryetar i grupit të shumicës dhe si një pre 55 firmëtarëve të kërkesës, e cila në 28 vite të këtij kuvendi është hera e parë që Kuvendi i Shqipërisë ngre një komision hetimor për të hetuar ligjshmërinë e veprimeve të kryetarit të shtetit që shkojnë në kushtet e shkeljes së rëndë të Kushtetutës.
Do t’i kërkoja të gjithë deputetëve ta ngremë këtë Komision Hetimor me konsensus të plotë, e t’i kërkojmë këtij komisionit hetimor të përmbushë detyrën e vet brenda 3 muajve e me transparencë për publikun me qëllim që përfundimet e këtij komisioni të përmbushin pritshmëritë e kërkuesëve, por i takon komisionit hetimor që të qartësoje këtë situatë.
Të gjithë e pranojmë, edhe nga fjalimet këtu në sallë, jemi në kushtet e një shkleje të rëndë të Kushtetutës. Dua tju ftoj të gjithve të votojmë pro ngritjes së këtij Komisioni Hetimor.”, deklaroi Balla