Komisioni i pavarur i kualifikimit shkarkoi sot nga detyra kryetarin e gjykatës së Apelit te Durrëst, Petrit Çeno, i cili aktualisht është pezulluar nga detyra, pasi është nën hetim edhe nga prokuroria e krimeve të rënda.
Komisionerët i gjetën Çenos problematika të shumta në deklaratat e pasurisë.
Sipas tyre, ai nuk justifikonte të ardhurat për blerjen e tre apartamenteve.
Po ashtu, pikëpyetje u ngritën edhe për mënyrën se si bashkëshortja e tij kishte përfituar një sipërfaqe toke në Durrës.
Në seancën dëgjimore, vetë gjyqtari nuk ishte i pranishëm, ndërsa pati debate të ashpra mes vajzës së tij, avokatit dhe trupës gjykuese.
