Një operacion i rëndësishëm anti-drogë u zhvillua me helikopterë dhe forca të shumta policie në orën 6 të mëngjesit, ditën e djeshme më 16 Mars në Milano.
Mediat italiane bëjnë me dije se si rezultat i operacionit u arrestuan 9 persona, mes tyre edhe shqiptarë.
Banda italo-shqiptare ishte e përbërë nga disa figura të njohura të familjeve të trafikut të drogës që si furnizues kishin shqiptarë.
Gjatë operacionit u arrit të sekuestrohej 10 kilogramë kokainë.
Kryetari, Giacomo Ghilardi i cili ndoqi nga afër operacionin tha: Kjo është një goditje e rëndë e cila iu shkaktua kriminelëve që kanë trafikuar për më shumë se 30 vjet në këtë lagje. Arrestimi i tyre erdhi si rezultat i një hetimi prej më shumë se një vit e gjysmë.
(R.G/FAxweb.al)
/faxweb
