Ish-prokurori i Apelit, Shkëlqim Hajdari ka deklaruar se prokurorët e kësaj kohe janë të prodhuar politikisht.
I ftuar në ‘Real Story’, ai është shprehur se nga janari do të krijohen strukturat e reformës dhe prokurorët do të jenë pa jetë private dhe do jenë të mirëpaguar.
Sipas Hajdarit, Shqipëria la banda, njerëz të krimit të organizuar dhe cilësia e hetimit me krijimin e këtyre strukturave të rëndësishme.
“Unë kam bindje që rrethanat që po bëhet vettingu po bëhet i ashpër. Sepse ne kemi banda, njerëz të krimit të organizuar dhe cilësia e hetimit me krijimin e këtyre strukturave të rëndësishme, ne do të shohim nga fillimi i janarit se këto struktura do krijohen.
Unë bëj pjesë tek ata njerëz që e njoh mirë strukturën e policisë, kam shkuar herët në këtë punë. Prokuroria e kësaj kohe është sulmuar sepse prokurorët e kësaj kohe janë prodhur politikisht.
Prandaj ishte e rëndësishme që kjo reformë të bëhej. Mendoj që produkte e kësaj do të jenë disa pika si struktura do të jetë shumë e fortë sepse prokurorët do jenë pa jetë private dhe do jenë njerëz të mirëpaguar se do jetojnë mirë dhe ndershëm”, tha Hajdari.