Gjatë kontrolleve në territorin e Shkodrës, u gjetën dhe u asgjësuan 8028 bimë të dyshuara narkotike cannabis sativa nga policia.
Në kuadër të operacionit policor të koduar “Koordinata”, janë proceduar penalisht, për shpërdorim të detyrave, 5 kryetarë fshatrash, konkretisht, në Ndrejaj, Lekaj, Nicaj, Plan dhe fshatin Kir.
Në territorin e njësisë administrative Kelmend, shërbimet e Komisariatit të Policisë Malësi e Madhe gjetën dhe asgjësuan 780 bimë të dyshuara narkotike cannabis sativa.
Në territorin e njësisë administrative Temal, shërbimet e Komisariatit të Policisë Vau i Dejës gjetën dhe asgjësuan 175 bimë të dyshuara narkotike cannabis sativa.
Vijon puna për identifikimin, kapjen dhe vënien para përgjegjësisë penale të autorëve të kultivimit të bimëve narkotike.