Shkodra është kthyer në qytetin e dytë më të prekur nga koronavirusi, pasi së fundmi janë raportuar raste të reja të të infektuarve.
Mësohet se nga 26 tamponë të bërë, 6 prej tyre kanë rezultuar pozitivë, duke e çuar në 48 numrin e të infektuarve në Qarkun e Shkodrës, 44 prej të cilëve janë po në këtë bashki.
Ndërkohë, 6 të infektuarit me COVID-19 mësohet se janë dy familjarët e 80-vjeçares që humbi jetën dhe infermieri që i shërbente kësaj të fundit prej muajsh, një anëtar i familjes nga Dobraci dhe dy anëtarë të familjes nga Kirasi.