Një 23-vjeçar është gjetur i pajetë në ambientet e kishës së Mitropolisë në Gjirokastër, në rrethana ende të paqarta.
Mësohet se i ndjeri nga Myzeqeja, ishte jetim dhe ishte rritur në Qendrën e Kujdesit në Shën Vlash, Durrës.
Ai ishte student i Fakultetit të Teologjisë në Akademinë “Logos” në Durrës dhe kishte ardhur në Gjirokastër për një vizitë në vendin ku kishte përfunduar shkollën e mesme për tu takuar me shokët e tij.
Autoritetet lokale po hetojnë shkaqet e kësaj ngjarjeje tragjike, ndërsa trupi i të riut është dërguar për ekspertizë mjeko-ligjore.