Skip to content

Shkoi për të vjedhur një grua por pikaset/ Grabitësi nga Vlora hidhet nga ballkoni dhe bie në duart e policisë

Ndajeni këtë artikull me të tjerë duke klikuar ikonat më poshtë

Ka rezultuar në dështim një tentativë grabitje në Vlorë mëngjesin e kësaj të shtune.

 

Një i ri 26-vjeçar ka hyrë në banesën e një shtetase dhe ka mundur të marrë vetëm një aparat celular pasi është pikasur nga pronarja e shtëpisë.

 

Menjëherë kjo e fundit ka lajmëruar policinë.

 

26-vjeçari në tentativë për tu larguar është hedhur nga ballkoni dhe ka marrë dëmtime në trup.

 

Si pasojë nuk ka mundur të arratiset në kohë por ka rënë në duart e policisë e cila kishte mbërritur në vendin e ngjarjes.

 

 

Pas identifikimit nga policia, 26-vjeçari ka rezultuar se ka kryer grabitje edhe më parë.

 

 

Vlorë

 

Vodhi në banesën e një shtetaseje dhe tentoi të shmangte shërbimet e Policisë që shkuan menjëherë në vendin e ngjarjes, arrestohet në flagrancë autori i dyshuar.

 

26-vjeçari i arrestuar, i dënuar më parë për veprën penale “Vjedhja” dhe i dyshuar si autor i një vjedhjeje tjetër. 

 

Shërbimet e Komisariatit të Policisë Vlorë, në vijim të punës për parandalimin e vjedhjeve, zbardhjen e atyre të ndodhura më parë dhe vënien e autorëve para përgjegjësisë penale, pas një telefonate në sallën operative të DVP Vlorë se në një banesë në lagjen “1 Maji” , një shtetas kishte hyrë për të vjedhur në një banesë dhe po tentonte të largohej pasi pikasur nga pronarja e baneses, organizuan menjëherë punën për kapjen e tij. Falë ndërhyrjes në kohë të shërbimeve të Policisë u arrestimi në flagrancë i shtetasit:

 

-G. Ç., 26 vjeç, banues në lagjen “Partizani”, Vlorë, i dënuar më parë për veprën penale “Vjedhja” më shumë se një herë. 

 

Ky shtetas, gjatë orëve të mëngjesit të ditës së djeshme, dyshohet se ka hyrë në banesën e një shtetaseje dhe pasi ka vjedhur një aparat celular, ka tentuar të largohet pasi është pikasur prej saj. Gjatë tentativës për t’u larguar, 26-vjeçari është hedhur nga ballkoni i banesës (për pasojë ka marrë dëmtime në trup), por nuk ka mundur të largohet pasi është kapur në flagrancë nga shërbimet e Policisë, të cilat kanë shkuar menjëherë në vendin e ngjarjes, pas telefonatës për këtë rast.

 

Nga hetimet dhe provat e grumbulluara dyshohet se shtetasi G. Ç. është autori i vjedhjes së një tjetër aparati celular, në lagjen “1 Maji”, më datë 02.08.2022.

 

Materialet iu referuan Prokurorisë, për veprime të mëtejshme.

Ndajeni këtë artikull me të tjerë duke klikuar ikonat më poshtë