Shkollat do të hapen më datë 18 maj dhe deri më 5 qershor, por vetëm për maturantët e klasave të 12-ta.
Lajmin e dha vetë ministrja e Arsimit, Besa Shahini, përmes një konference për mediat.
Ministrja e Arsimit Besa Shahini ka bërë të ditur se shkolla do të hapet vetëm për gjimnazet dhe kryesisht për maturantët, për një periudhë 3 javore.
‘Shkolla do të hapet për një periudhë 3-javore, nga data 18 maj deri më 5 qershor, vetëm për klasat e 12-ta
Ky vit shkollor do të mbyllet në qershor 2020, provimet e maturës shtetërore do të mbahen mes datës 8-18 qershor 2020. Kjo na jep mjaftueshëm kohë për të përgatitur diplomat për maturantët që duan të studiojnë jashtë vendit.
Provimet e klasës së 5 dhe të 9 do të anulohen. Klasa e 9 nuk e mban të njëjtën peshë si ato të maturës dhe nuk mund të sigurojmë kushtet për kthimin e nxënësve në shkollë.
Elementi i tretë është që provim i maturës për maturantë kemi vendosur të hapim shkollat vetëm për klasën e 12 për një periudhë 3 javore nga 18- maj -5 qershor, ku do të punohet për mësimet që nuk mundet të zhvillohen online.
Klasa e 1-11 deri në fund të majit dhe mësimi online për to do të mbyllet dy javë më herët.’
Vendimi i Ministrisë së Arsimit për shkollat
1. Nga data 18 maj deri në 5 qershor hapen shkollat për maturantët me rregullat e distancimit
2. Nga data 8 deri në 18 qershor provimet e maturës
3. Te provimet e maturës nuk do të përfshihen temat e zhvilluara në kushte shtëpie
4. Provimet e klasës së 5-të dhe të 9-të do të anulohen
5. Mësimi për klasat, nga e para deri te e 11-ta vazhdon deri në 29 maj nga shtëpia
6. Dy javët e para të qershorit mësuesit do të nxjerrin notat
7. Kush do të përsërisë vitin shkollor të lajmërojnë
8. Në shtator do të përsëriten të gjitha temat që janë zhvilluar online
