Konfirmohen 3 raste pozitive me Covid-19 në Burgun e Rrogozhinës.
Siç raporton gazetari i ABC News Aldo Kozarja, mëngjesin e sotëm është konfirmuar me koronavirus juristi i këtij institucioni, ndërkohë që në minutat e fundit është konfirmuar me Covid-19 edhe Drejtori i Burgut të Rrogozhinës së bashku me një nga specialistët e kësaj drejtorie.
Gazetari Aldo Kozarja raporton për abcnews.al se tamponët i janë marrë 6 personave, punonjës të këtij burgu, përkatësisht; drejtorit, juristit dy specialistëve dhe dy mjekëve.
3 personat e infektuar tashmë janë vetëkarantinuar në banesat e tyre dhe gjendja e tyre shëndetësore paraqitet e qëndrueshme.
Lajmi se ishte infektuar juristi i këtij institucioni, ka shkaktuar shqetësim tek të burgosurit, por ABC News ka mësuar se 3 personat e infektuar, nuk kanë patur kontakt me personat që vuajnë dënimin në këtë institucion.
