Shkuan për të festuar ditëlindjen në Stamboll, ja cili është çifti shqiptar që humbi jetën në aksidentin tragjik

couple.png

Ndajeni këtë artikull me të tjerë duke klikuar ikonat më poshtë

Mes viktimave të aksidentit tragjik që ndodhi në Bullgari ka qenë edhe një 27-vjeçar dhe e fejuara e tij, të cilët kishin shkuar në Stamboll për të festuar ditëlindjen.

“Alsat M” raporton se bëhet fjalë për Gazmend Ukali, 27 vjeç, nga Kërçova dhe Albina Beluli, 23 vjeçe nga Tetova, ishin në mesin e viktimave të aksidentit tragjik që ndodhi mëngjesin e sotëm, kur një autobus u përfshi nga flakët në autostradën Struma të Bullgarisë, duke lënë të vdekur 45 persona.

Gazmendi ishte pjesë e zyrës së kryetarit të Komunës së Kërçovës, Fatmir Dehari, ndërsa të premten festoi ditëlindjen e 27-të me të fejuarën e tij në Stamboll.

Informacionin për vdekjen e Gazmendit në një bisedë telefonike për Telma e ka konfirmuar edhe kryetari i Komunës së Kërçovës Fatmir Dehari, i cili ka shprehur keqardhjen e thellë për këtë tragjedi të madhe.

Ukali ishte anëtar i Këshillit Rinor të Komunës së Kërçovës në vitin 2015.

në Facebook, klikoni Join Group

/faxweb

Ndajeni këtë artikull me të tjerë duke klikuar ikonat më poshtë