Moti i keq me reshje dhe me erë të fortë që përfshiu Vlorën pasditen nuk kaloi pa incidente.
Trageti i linjës Vlore- Brindisi është përplasur në kalatë. Fatmirësisht nuk janë shënuar të lënduar në njerëz.
Janë dashur afro dy orë punë për të bërë të mundur shkëputjen e tragetit nga kalata në RAD nëpërmjet një rimorkiatori. Pas ndërhyrjes se autoriteteve portuale situata është normalizuar.
Ndërkohë moti i përkeqësuar dhe deti me dallgë deri në 6-7 ballë ka sjell dhe pezullim të lundrimit.
Trageti i linjës Vlorë-Brindisi nuk do të niset sot drejt Italisë. Ndërsa anijet e vogla kanë marrë njoftim të mos dalin në lundrim deri në një urdhër të dytë nga kapitaneria e portit.
