Subscribe
Arrest me burg për Erion Marinin kultivuesin e 181 rrënjë kanabisi që u gjetën në një banesë në Dërmënas të Fierit. Ky ishte vendimi i Gjykatës, e cila të njejtin vendim ka dhënë edhe për faturistin Klajdi Grëmi, ky i fundit i akuzuar për shpërdorim detyre.
Mase më të zbutur, me detyrim paraqitje u dha për elektriçistin e zonës Behar Fata.
Erion Marini, i njohur ndryshe edhe me emrin Xhevair Gashi, u arrestua nga policia pasi në vilën e tij u gjetën 181 rrënjë kanabisi.
Tre ditë më parë policia zbuloi lëndën narkotike të mbjellw në vazo në 5 dhoma gjumi në katin e tretë të vilës së Marinit në Dërmënas.
Gjatë seancës u pohua se faturisti duhet të krahasonte konsumimin e energjisë elektrike nga banorët në matësat e tyre me matësin kryesor të gabinës qëndrore dhe më pas duhet të kishte kuptuar diferencën që vidhej. Pas zbulimit ata duhet gjithashtu të kishin njoftuar eprorët për këtë vjedhje.
