Shoqata e Botuesve Shqiptarë kërkon lehtësira financiarë nisur nga situata urgjente që e ka vënë në vështirësi botën e librit. Shoqata kërkon që të ndihmohet e të ndërhyhet sa më shpejt në këto drejtime:
1.Heqjen e taksave lokale për vitin 2020 për shtëpitë botuese dhe libraritë. Heqjen e taksave lokale për vitin 2021 për libraritë.
Krijimi i një fondi mbështetjeje për përkthimet. Të mbështeten projekte botimi, sipas traditës së mirë të viteve të shkuara. Kështu ndihmojmë edhe përkthyesit edhe botuesit.
Të mbështetet botimi i 5 autorëve të rinj shqiptarë .
Ulja e tatimit mbi krijimtarinë nga 15 % në 6 % sikurse kemi kërkuar qysh në maj 2019 në Kuvendin e Shqipërisë.
Blerja e një sasie librash të botuara gjatë vitit 2020, për të ruajtur vazhdimësinë e linjave editoriale.
Kërkesa i është drejtuar Ministrisë së Kulturës, Qendrës Kombëtare të Librit e Leximit, Bashkisë së Tiranës dhe qyteteve të tjerë të vendit, Komisionit parlamentar të kulturës, arsimit dhe mjeteve të informimit dhe Këshillit të Ministrave.
