Policia e Beratit ka ndaluar dy shtetas që dyshohet se shpërndanin lëndë narkotike pranë shkollave si dhe ka arrestuar një të tretë për mbajtje pa leje të municioneve ushtarake.
Dy shtetasit e ndaluar për shpërndarjen e lëndëve narkotike janë:
Klei Çobo, 19 vjeç:
Arges Pirja, 30 vjeç, banues në lagjen “Dëshmorët e Kombit”, Berat.
Kapja e tyre u bë pasi Prokuroria e Rrethit Gjyqësor Berat ka urdhëruar ndalimin, pasi këta shtetas dyshohet se në bashkëpunim me njëri-tjetrin shpërndanin lëndë narkotike pranë shkollave dhe në zona të tjera të qytetit.
Shtetasit Klei Çobo gjatë kontrollit personal iu gjet një sasi lëndë narkotike e dyshuar Cannabis Sattiva.
Gjithashtu në vijim të këtij hetimi u bë arrestimi në flagrancë i shtetasit Arben Dibra, 42 vjeç, banues në lagjen “Dëshmorët e Kombit”, Berat.
Arrestimi i tij u bë pasi gjatë kontrollit të ushtruar në banesë iu gjetën dhe sekuestruan në cilesinë e provës materiale 3 krehra pistolete, 76 fishekë model 56, kalibri 7.62 mm dhe një jelek antiplumb.