Të paktën 19 njerëz mbetën të pajetë si pasojë e një shpërthimi jashtë Institutit Kombëtar të Kancerit në Egjipt, në qendër të Kajros.
Autoritetet thanë se një makinë që u përplas me disa të tjera ka shkaktuar një shpërthim të madh. Videot e postuara në internet flasin për një zjarr masiv që ka dëmtuar disa makina përnjëherë.
Ngjarja ndodhi fare pranë sheshit të famshëm Tahrir, ndërsa të shtruarit në spital u evakuuan shpejt. Prokurori publik i Egjiptit po heton shkakun e ngjarjes, thanë burime për agjencinë e lajmeve Reuters. Nuk kishte asnjë deklaratë zyrtare që jep dyshimet nëse shpërthimi kishte të bëjë me sulm.
Aksidentet rrugore janë të zakonshme në Egjipt. Agjencia zyrtare e statistikave në vend thotë se 8,000 përplasje vitin e kaluar shkaktuan më shumë se 3000 vdekje dhe 12,000 plagosje.