Një shpërthim me tritol ka ndodhur përballë një lokali në Librazhd.
Vizion Plus mëson se ka ndodhur tre ditë më parë, mirëpo policia në njoftimin e shpërndarë për mediat, shkruan se ngjarja ka ndodhur mëngjesin e kësaj të marte.
Sipas bluve, deri tani janë shoqëruar disa persona si të dyshuar me ngjarjen.
Librazhd/Informacion paraprak
Specialistët për Hetimin e Krimit në Komisariatin e Policisë Librazhd, pas hetimeve paraprake të kryera në lidhje me hedhjen e një sasie të vogël lënde plasëse, përballë lokalit të shtetasit Dh. K., rreth orës 02:30, të ditës së sotme, kanë shoqëruar disa persona të dyshuar dhe në bashkëpunim me Prokurorinë, vijon puna për zbardhjen dhe dokumentimin e plotë të ngjarjes.