“Prej datës 1 qershor, futen në fuqi masat e reja anti-Covid.
Në ambientet e jashtme, mbajtja e maskës nuk do të jetë më e nevojshme, ndërsa në mjediset e mbyllura apo gjatë udhëtimit me transportin publik mbetet një detyrim. Ndërsa ora policore u zhvendos në harkun kohor 23:00 e mbrëmjes deri në 6 të mëngjesit.”
Qytetarët vlerësojnë lehtësimin e masave, veçanërisht heqjen e barrierës mbrojtëse në mjediset e hapura.
Sipas ekspertëve të shëndetësisë, hapja graduale vjen si pasojë e lehtësimit të situatës së pandemisë në vend dhe shifrat në ulje të të infektuarve të rinj apo të të shtruarve në spitale.
Gjatë muajve të kësaj vere, krahasuar me një vit më parë, situata pritet të paraqitet më e mirë.
Klubet e natës do të vijojnë të mbeten të mbyllura. Muzika do lejohet deri në orën 22:00. Nga 15 qershori, grumbullimet ne ambientet e jashtme nga 10 persona, do të bëhen 50 persona, duke respektuar rregullat e distancimit.
Përsa i përket ndëshkimeve për shkeljen e rregullave, gjatë periudhës tetor – maj, janë vendosur afro 91 mijë gjoba nga 3 mijë lekë për mosmbajtjen e maskës, që në total përkthehen 273 milionë lekë.
