Kryeministri Edi Rama thotë se Shqipëria mund të fitojë vetëm me Partinë Socialiste dhe me të në krye të qeverisë.
Pasi dha lajmin se është hapur kapitulli tjetër i negociatave, kreu i qeverisë u shpreh se BE kërkon që deri në 2027 negociatat duhet të mbyllen.
“Tani këtë punë kam për të fituar apo skam për të fituar, nuk është çështja a fitoj apo nuk fitoj unë. Kjo nuk është fare personale. Nuk është hiç, por hiç për karrigen time. Se po të jetë personale dhe për karrigen time, e po pastaj nuk po rri unë në atë karrige e po vjen dikush tjetër, por kjo është çështja për të fituar Shqipëria. Shqipëria fiton me mua dhe PS”, tha Rama.
Ndërsa një tjetër ndjekëseje që e kritikonte, Rama iu përgjigj kështu: “Ti që je e zhytur në kënetë je me dinjitet. Dinjitet me bufin e kënetës. Mirë më tha njëri ca bëhet kështu, u rritëm ne dhe rrisim fëmijët me këshillën që të kujdesemi për pleqtë, tani ca janë këta që duan që një plak të kujdeset për ta”.
