Subscribe
Pas urdhrit të qeverisë, policia në bashkëpunim me ushtrinë prej mbrëmjes të së mërkurës kanë ngritur postblloqe të shumta në të gjithë vendin për të kontrolluar lëvizjen e qytetarëve.
Në Tiranë u vendosën postblloqe në akset hyrëse e dalëse të qytetit, ndërsa u kontrolluan kryesisht makinat me targa të huaja që mund të kenë hyrë ditët e fundit në vendin tonë.
Po ashtu, në Elbasn policia mori masa për mbylljen e të gjithë lokaleve si dhe këshilloi të gjithë qytetarët që të mos dalin nga shtëpitë me përjashtim të rasteve kur është e domosdoshme.
Kontrolle të shumta u zhvilluan edhe në Shkodër. Uniformat blu së bashku me ushtrinë prej mbrëmjes së djeshme po monitorojnë të gjitha rrugët, ndërsa kanë apeluar qytetarët që vijnë nga vendet e prekura me koronavirus që të vetizolohen në shtëpi, ose në të kundërt do të penalizohen.
Ne Fier, forcat e ushtrisë së bashku me policinë po patrullojnë në akset kryesore me qëllim parandalimin e personave që mund të jenë infektuar me koronavirus.
Ndërkohë edhe në Vlorë, Durrës e Korçë janë shtuar masat për parandalimin e COVID-19.
Deri më tani mësohet se janë mbi 100 persona të cilët kanë ardhur nga vendet e prekura dhe nuk që nuk janë vetizoluar.