Fushata zgjedhore e kryeministrit kanadez Justin Trudeau nuk po shkon edhe aq mirë, sidomos pas zbulimeve të mbrëmshme të mediave vendore, të cilat publikuan një foto të tij ku shihet i maskuar si “njeri me ngjyrë dhe turban”, një implikim racist që aso kohe kishte qenë i pamenduar.
Revista “Time” është njëra nga mediat e mëdha që zbuloi fotografinë e vitit 2001 ku Trudeau allasoj , në një festë që me tematikën e “1001 netëve arabe”.
Trudeau megjithatë nuk u fsheh nga mediat, dhe qysh në mëngjes doli para gazetarëve duke kërkuar falje, dhe duke thënë se ka qenë i ri, dhe se duhej të kishte ditur më shumë.
“Jam i mërzitur me veten, jam i dëshpëruar me veten”, tha Trudeau para gazetarëve.
Lidhur me pyetjen nëse e konsideron se kjo i është bërë pikërisht gjatë fushatës zgjedhore, kryeministri tha se veprimi i tij nuk arsyetohet, pavarësisht qëllimeve të dikujt tjetër, dhe se nuk e ka ndërmend të përpiqet ta ndërrojë kahjen e gabimit.
Me një paralele, sulmi ndaj Trudeau i ngjan atij ndaj Ramës në fushatën e 2007-s për zgjedhje lokale, ku iu nxorrën fotot nudo në një plazh francez. Në atë kohë, njeriu që sot drejton Shqipërinë e aherë drejtonte Tiranën, e pohoi vërtetësinë e fotos, ngjashëm si udhëheqësi kanadez, duke u mbrojtur po si ai me arsyetimin se ishte i ri, e se duke jetuar në një botë aventurash, po shijonte prekjen e kufijve të lirisë.
Ky detaj nga fushata kanadeze, vjen dhe si një lajm se tipari shqiptar i politikës së pamëshirshme, ku rivalët sulmohen me të kaluarën, duke përdoror sidomos foto, nuk është ekskluzivisht vetëm shqiptar.
