Qytetarët shqiptarë po sigurojnë më shumë jetën dhe pronën. Ndërgjegjësimi konstatohet në të dhënat e fundit zyrtare ku vetem zëri për sigurimin e jetës ka një rritje me gati 22%.
Vetëm për të siguruar jetën e shëndetin në periudhën janë janar-maj primet e sigurimeve kanë kapur vlerën 710 milione leke.
Ndërkohë që sigurimi i pronës ka peshë më të madhe në totalin e portofolit të sigurimeve.Në 5 muaj qytetarët shqiptarë kanë paguar 2,2 miliardë lekë ku peshën kryesore e mban sigurimi nga zjarri.
Por pavarësisht këtij trendi, sigurimi i detyrueshëm vijon të mbajë peshën kryesore në totalin e tregut të sigurimeve. Sigurimi i automjteve është një prej kategorive më të zhilluara në vend.
Të ardhurat nga primet në total për muajin janar-maj 2023 kapën vlerën 8,9 miliardë lekë, ose 15.29% më shumë se në janar-maj 2022. numri i kontratave të sigurimit të lidhura arriti në mbi 505 mijë me një rritje prej 13.36% krahasuar me të njëjtën periudhë të një viti më parë.
Sipas të dhënave zyrtare të AMF edhe pagesat e dëmeve janë përmirësuar në muajt eparë të këtij viti.. Pjesa më e madhe e dëmeve të paguara bruto i përket sigurimit te motorik me rreth 1,9 miliardë lekë, apo 72.16% të totalit të dëmeve të paguara bruto.
