Një vello misteri mbulon rastin e vdekjes së 29-vjeçarit shqiptar Angelo Avdiu në Kyllini te Greqise.
Viktima, baba i një fëmije 9-vjeçar, u gjet i varur në një pemë në zonën e Diasporës.
Të afërmit e tij janë të shkatërruar nga humbja e tij, ndërsa gjendja në të cilën ai u gjend ngre pikëpyetje dhe lë të hapura të gjitha mundësitë se çfarë mund të ketë ndodhur ditën që ai ndërroi jetë.
Vëllai i tij foli ne nje program televiziv ne Greqi, live news, duke përshkruar ngjarjet e ditëve të fundit.
Njëkohësisht ai kërkon që autoritetet të mos e mbyllin shpejt dosjen e çështjes si një vetëvrasje.
29-vjeçari kishte zbritur në Ili nga Fthiotida për të takuar ish-bashkëshorten. Gjurmët e tij humbën në mënyrë misterioze më 29 tetor në zonën e Bartolomeut dhe pothuajse një muaj më vonë (25/11) trupi i tij u gjet nga pronari i shtëpisë së pushimit, i cili kishte qenë në Athinë gjatë gjithë këtyre ditëve.
Lartësia dhe vendndodhja e pemës nga e cila u gjet i varur, e kombinuar me litarin në duar, ka bërë që shumë njerëz në zonë të dyshojnë për akt kriminal
Megjithatë, policia flet për vetëvrasje. Ata besojnë se i riu ka ngjitur një shkallë në pemë, e cila i ka dhënë fund jetës dhe ka tentuar t’i lidhë duart, për të asgjësuar instinktin e vetëruajtjes.
“Edhe tani që po flas nuk jam mirë psikologjikisht me atë që pashë”, thotë vëllai i viktimës për Live News.
Pronari i vilës gjeti trupin e tij, duke kërkuar burimin e erës së keqe të padurueshme në shtëpi. Më pas ai u përball me imazhet rrënqethëse.
“Kohët e fundit vëllai im nuk ka qenë aspak mirë psikologjikisht”, tregon vëllai i tij për Live News dhe përmend se 29-vjeçari donte të bënte një tjetër përpjekje për t’u rilidhur me gruan e tij.
Sipas tij, 29-vjeçari është zhdukur pa marrë me vete asnjë send personal.
Vendi ku u gjet trupi i tij është 10 minuta me makinë nga zona ku jetonin dy vellezerit.
Ai nuk kishte njoftuar askënd se kishte ndërmend të shkonte atje.
Hetimet në Kyllini vazhdojnë në pritje të ekspertizës mjeko-ligjore, e cila pritet të zbardhë shkakun e vdekjes së babait 29-vjeçar.
Duke qenë se ai u gjet i varur në litar, mjeki ligjor Galenderis komentoi: “Skena e vdekjes ngre pikëpyetje dhe ngre dyshime se dikush tjetër mund të jetë i përfshirë në mekanizmin e vdekjes. Kështu që me të vërtetë ka nevojë për hetime të mëtejshme”.
