Skip to content

‘Shtëpi bari’ në Spanjë/ 25-vjeçari ngjitet në çati për t’i shpëtuar policisë por bie e vdes, arrestohen 7 shqiptarë

Ndajeni këtë artikull me të tjerë duke klikuar ikonat më poshtë

Një ngjarje e rëndë është regjistruar në Spanjë gjatë ditës së shtunë.

 

Një 25-vjeçar ka ndërruar jetë në tentativë për t’i shpëtuar policisë pasi ishte zbuluar në një fermë kanabisi.

 

25 vjeçari ishte ngjitur në çatinë e ndërtesës ku kultivohej lënda narkotike pasi kishte konstatuar forcat e policisë por fati i tij ishte fatal.

 

Ngjarja ka ndodhur rreth orës 00:30 të mëngjesit, kur disa efektivë policie kanë vënë re praninë e një burri në kompleksin industrial, i cili kur i pa ata është larguar me vrap.

 

Sipas mediave spanjolle, magazina industriale nga e cila ra i riu përdorej për kultivimin e marijuanës dhe me sa duket i ndjeri ishte një trafikant droge.

 

Gjatë kontrolleve oficerët e policisë kanë arrestuar shtatë persona, të gjithë shqiptar por nuk bëhet i ditur identiteti i të riut që ndërroi jetë pasi ra nga çatia.

Ndajeni këtë artikull me të tjerë duke klikuar ikonat më poshtë