Një tërmet me magnitudë 7.0 goditi Haitin perëndimor të shtunën, tha Shërbimi Gjeologjik Amerikan.
Sipas medieve të huaja, tërmeti ndodhi 8 kilometra nga qyteti Petit Trou de Nippes, në një thellësi prej 10 kilometrave.
Qendra Sizmologjike Evropiane – Mesdhetare (EMSC) gjithashtu raportoi një tërmet në rajon, duke thënë se ishte me magnitudë 7.6.
Sistemi amerikan i paralajmërimit të cunamit tha se nuk kishte asnjë paralajmërim për cunami pas tërmetit.