Skip to content

Shtyhen bilancet financiare / Biznesi do të ketë kohë edhe gjashtë ditë

Ndajeni këtë artikull me të tjerë duke klikuar ikonat më poshtë

Të gjithë bizneset që nuk kanë mundur të depozitojnë në kohë pasqyrat financiare, për shkak të sulmit kibernetik, do të mund ta kryejnë këtë procedurë në ditët në vijim.

 

Ministria e financave ka njoftuar se ky afat do të shtyhet me aq ditë sa u bllokua portali  “e-albania”, pra, me 6 ditë.

 

Ministrja e Financave Delina Ibrahimaj ftoi bizneset që të vijojnë me depozitimin e pasqyrave financiare në regjistrin tregtar.

 

Bllokimi i shërbimeve online për shkak të sulmit kibernetik solli kaos për shumë biznese dhe qytetarë, ndërsa ende nuk janë rikthyer të plota të gjitha shërbimet që ofrohen nga portali “e-albania”.

Ndajeni këtë artikull me të tjerë duke klikuar ikonat më poshtë