Shtyhet seanca në gjykatën Administrative të Apelit për Sinan Tafajn.
Padia e Sinan Tafajt kundër Këshillit të Emërimeve në Drejtësi do të shqyrtohet të premten në Apelin Adminstrativ.
Shkak për shtyrjen është bërë mungesa e relatores së çështjes, por nuk dihet shkaku i mungesës. Seanca ishte parashikuar të mbahej në orën 14:30 por palët janë njoftuar paraprakisht.
Tafaj ka paditur Këshillin e Emërimeve që e s’kualifikoi nga gara për gjykatën Kushtetuese.
Ai pretendon se po diskriminohet për shkak se është i verbër.
Prej ditësh Apeli Administrativ po shqyrton vetëm çështje emergjente pasi një pjesë e administratës gjyqësore dhe gjyqtarë janë të prekur nga Covid-19.