Gruaja më e vjetër në botë vdiq sot në moshën 116-vjeçare, njoftuan zyrtarët në qytetin japonez ku u shua ajo që jetoi dy luftëra botërore.
E lindur në vitin 1907, Fusa Tatsumi kishte rritur tre fëmijë me burrin e saj fermer pranë Osakës (Japonia perëndimore). Transmetuesi lokal MBS përcolli pamjet e Tatsumit në karrocën e saj me rrota në ditëlindjen e saj të fundit prillin e kaluar.
“Tatsumi vdiq sot në moshën 116 vjeçare,” konfirmoi për AFP një këshilltar në qytetin Kashiwara të Osakës.
“Mbaj mend që zonja Fusa Tatsumi ishte me shëndet të mirë”, shkroi Guvernatori i Osakës Hirofumi Yoshimura në rrjetin social X, duke kujtuar praninë e saj në një festë në shtatorin e kaluar për nder të saj.
Japonia është vendi i dytë, pas Monakos, me më shumë njëqindvjeçarë, përkatësisht më shumë se 47,000.
Fusa Tatsumi u bë banorja më e vjetër e arkipelagut pas vdekjes së Kane Tanaka vitin e kaluar në moshën 119-vjeçare.
Kane Tanaka u njoh në prill 2022 nga Guinness World Records si personi më i vjetër i gjallë.
Tashmë ky “titull” i përket spanjollës së lindur në Shtetet e Bashkuara, Maria Branias, e cila do të mbushë 117 vjeç më 4 mars 2024. /tesheshi.com/
