Aktori madh Rikard Ljarja është ndarë nga jeta sot. Ai ishte bashkëshorti i aktores Marjeta Ljarja. Ljarja është ndarë nga jeta në moshën 77-vjeçare. Mësohet se ka ndërruar jetë në banesën e tij në Tiranë, ndërsa thuhet se ai vuante prej kohësh nga një sëmundje e rendë.
Aktori i mirënjohur i kinematografisë shqiptare ndërroi jetë në moshën 77-vjeçare. Rikard Ljarja lindi më 1 prill 1943 në Shkodër.
Në vitin 1960 mbaroi maturën në Shkodër kurse në vitin 1965 u diplomua në Shkollën e Lartë të Aktrimit “A. Moisiu”, Tiranë.
Për tetë vite, pas diplomimit, punoi aktor i teatrit në Teatrin “Migjeni” në Shkodër. Prej vitit 1973 deri në vitin 1996 ai ishte aktor, skenarist dhe regjisor i filmave të prodhuar nga kinostudiot. Prej 1996 deri 2002, kur doli në pension, ishte drejtor artistik në televizionin publik shqiptar.