Demokratë dhe mbështetës së ish -kryeministri Sali Berisha u mblodhën sërish sot poshtë pallatit të tij. Prej 30 dhjetorit të vitit të kaluar, Berisha ndodhet nën masën e sigurisë arrest shtëpie.
Në fjalën e tij para mbështetësve, ai e konsideroi shumicën qeverisëse si një shumicë amorfe dhe të trembur, ndërsa u shpreh i vendosur për të vazhduar betejën deri në rrëzimin e regjimit.
“Askush mos mendojë se Rama është shumicë, por do ju them ju këtu se një pakicë idealiste është 10 herë më e fuqishjme se një shumicë amorfe, e trembur dhe e frikësuar.
Ndaj dhe ne jemi të betuar, jemi të vendosur që ketë betejë pa kthim ta vazhdojmë deri në përmbysjen e regjimit antikombëtar, trafikant, narkoman të Edi Ramës.
Këtë dimër ta shndërrojmë në pranverën e vërtetë të demokracisë dhe përmbysjes së regjimit të kalbur të Ramës. Në rrugën e shpresës vërshon drita, në Surrel thellohet terri , errësira, Edi Rama nuk ke të ardhme”, tha nder të tjera Berisha.
Pjese nga fjala e Berishes
Të dashur demokrate e demokratë, vëllezër e motra, zonja e zotërinj.
Përshëndetjet e mia më të përzemërta, mirënjohjen më të pakufishme, për praninë tuaj këtu, vazhdimin e një beteje e cila ndoshta është ndër më të rëndësishmet në historinë dhe faktet e këtij vendi, një beteje që synon çlirimin e Shqipërisë nga diktatura e bandave, krimit dhe drogës.
Miqtë e mi, në emër tuaj do të ftoj sonte çdo qytetar shqiptar, që banon në Shqipëri, jashtë Shqipërisë, të ndalet për një moment të shkurtër dhe të analizojmë vitin që lamë pas.
Çfarë ishte për Shqipërinë dhe shqiptarët viti 2023.
Viti 2023 për çdo shqiptar ishte viti i përpjekjeve antiligjore, antikushtetuese, banditeske të Edi Ramës për të shkatërruar opozitën shqiptare.
Ishte viti në të cilin Edi Rama me lakejtë e tij në gjykata, pasi i mori logon dhe vulën PD-së, vazhdoi skenarin e tij për të lenë vendin pa opozitë.
Në përpjekjen për të përqendruar të gjitha pushtetet në duart e tij, Edi Rama aktivizoi me 14 maj, vrasës serial, liroi nga burgjet elementët më të rrezikshëm të krimit të organizuar.
I solli ata nga jashtë, vendosi qytetet në terrorin e tyre.
Përjashtoi nga listat e votimit në qendrat e tyre mbi 1.3 milionë shqiptarë.
Hoqi nga fletëvotimi emrin e PD-së, logon e saj dhe kryetarin e saj, Sali Berisha.
Përjashtoi të drejtën e opozitës për komisionerë në gjysmën e qendrave të votimit.
Përdori dhjetëra e qindra milionë fonde publike për të blerë fonde dhe influenca.
Megjithë këtë, opozita ja doli të konfirmohet e pamposhtur. Në revanshin e tij kundër demokracisë, Edi Rama vazhdoi i pandalshëm, i mohoi opozitës deputetëve të saj, të drejtat themelore kushtetuese. E nxori veten mbi kushtetutën, mbi ligjin.
Ai nuk pranoi të hetohet për aktet e shëmtuara kriminale, ai nuk pranoi të hetohet për krimet që ka kryer me organizatën e tij kriminale që quhet qeveri.
Ai nuk pranoi të hetohet për vjedhjet e mëdha të pasurive publike, për shndërrimin e Durrësit në parajsën e tij dhe të trafikantëve të tij, duke i plaçkitur shqiptarëve në port rreth 4 mln euro tokë dhe pronë publike.
Ai nuk pranoi të hetohet për skandalin më të madh të kohërave, ndërkombëtar, Rama-McGoninal, në të cilin Edi Rama, Charles McGonigal, Agron Neza dhe Dorian Duçka, funksionuan si një grup kriminal i vërtetë.
Në këtë skandal Edi Rama mobilizoi McGonigalin kundër Sali Berishës dhe opozitës shqiptare.
Në këtë skandal Edi Rama vendosi sistemin e gjobave shumëmilionëshe mbi biznesmenët shqiptarë.
Në këtë skandal Edi Rama hoqi e vendosi sikur të ishin të familjes së tij, licencat e naftës pronë publike e shqiptarëve.
