Ditë pasi nga Komuna e Prishtiës u lëshua leja për nisjen e punimeve për Xhaminë e Madhe të Prishtinës, janë publikuar dhe fotot e para se si do jetë. Së jashtmi, asnjë risi.
Do jetë krejtësisht modeli otoman, ngjashëm si në Tiranë, kësisoj duke e humbur shansin për një objekt kulti me arkitekturë më sfiduese, duke marrë në konsideratë kontekste krejt të tjera nga e djeshmja, në planin zhvillimor, shoqëror, urban, deri dhe politik.
Ndërkohë, si në Tiranë ashtu dhe në Prishtinë, nuk përmendet se kush është autori, apo që ky i fundit t’i prezantohet publikut e t’i zbërthejë psenë e kësaj lloj arkitekture.
Ato që mund të quhen risi gjenden vetëm brenda. Këto pamje u publikuan në FB nga hoxha Labinot Maliqi. /tesheshi.com/
