Analisti Frrok Çupi ishte i ftuar në Spotlight nga Alban Dudushi, për të biseduar se nësse do të mundte kryeministri Rama të marrë një mandate të tretë në zgjedhjet e 25-Prillit.

Çupi u shpreh duke iu referuar PD-së se nuk mund të votohet një parti, e cila sipas tij, ka vrarë njerëz:

“Partia Demokratike nuk është e shtrirë në gjithë vendin. Kot thonë. Në jug nuk ka PD.

Në trurin e qytetarit të zakonshëm, nuk rri leksioni se si do votojnë këta.

Në trurin e njeriut rri se kush më dogji atëherë qytetin, kush më vrau.

100 vjet po plotëson nazizmi që ka djegur botën dhe nuk votohen në Gjermani më.

Dua të them që Partia Demokratike, e cila ka patur një qeveri e cila për hir të interesave të vendit duhet të rezistojë, duhet të ekzistojë, të rinovohet, nuk po rinovohet, sepse në të gjitha rrethanat, sapo thua PD, të thonë: U Berisha dhe Vlora dhe ’97-ta, ’98-ta dhe 2011-ta.

Janë vrarë njerëzit, si mund të votosh një parti që ka vrarë njerëzit?”

Çupi tha se kryeministri Rama është i dënuar të marrë një mandate të tretë.

Duke fajësuar opozitën për kontributin e saj, Çupi shtoi se edhe nëse Rama e lë mandatin, nuk ka kush ta marrë. Sipas tij, nuk ka kundërshtarë.

“Po themi se do ta lërë mandatin e tretë Edi Rama dhe .. ku? Është njësoj si Skënderbeu të hedhë shpatën përtokë dhe të thotë kush do ta marrë?

Problemi ëështë nëse ai e lë mandatin, kush do ta marrë, nuk ka në fushë. Nuk ka konkurencë, nuk ka opozitë, dhe tani vijmë tek opozita që do ishte shumë mirë të ekzistonte.

Si do të ekzistonte opozita? E para, duhet të ishte në Parlament. Ne kemi një opozitë jashtë sistemit, e cila regjistrohet për herë të parë, rithemelohet Partia Demokratike në prag të zgjedhjeve.

Dhe ne jemi fiks në 31 mars të vitit  1991 kur sapo ishim formuar, shkuam tek presidenti i kohës, Ramiz Alia, edhe i thamë na shty pak ligjin e zgjedhjeve.

Domethënë, opozitën shqiptare e kemi pa kontribut, populli shqiptar nuk  e njeh. Atëherë, si do vijë një opozitë, do ishte një turp, turp kombëtar i vërtetë që opozita që është jashtë Parlamentit…”, tha ai.