Autoritetet venezueliane janë të gatshme të vazhdojnë bisedimet e drejtpërdrejta me administratën e re të SHBA, tha presidenti i këtij vendi të Amerikës së Jugut, Nicolas Maduro.
“Ne do të punojmë në rihapjen e kanalit të dialogut të denjë, të ndershëm dhe të drejtpërdrejtë midis qeverisë së ardhshme të SHBA dhe Venezuelës, president i së cilws jam”, tha ai.
Ai shtoi se administrata e Presidentit Donald Trump i pagoi 800 milion dollarë udhëheqësit të opozitës Juan Guaido në dy vjet.
“Donald Trump krijoi Juan Guaidon, ekipi i tij krijoi atë përbindësh. Në dy vjet, ata i paguan atij 800 milion dollarë,” tha Maduro.
Ai shtoi se Guaido, pesë minuta pasi media amerikane raportoi se Joe Biden kishte fituar zgjedhjet presidenciale, “i ktheu shpinën Trump”.
“Miu kërcejnë nga një anije që fundoset,” tha Maduro.
Kriza në Venezuelë u përshkallëzua në janar 2019, kur Guaido, i cili është presidenti i Asamblesë Kombëtare, e deklaroi veten president të përkohshëm dhe kur disa vende, përfshirë Shtetet e Bashkuara, e njohën atë.
I shënjestruar nga sanksionet e SH.B.A. që synojnë largimin e tij nga pushteti, Maduro më pas ndërpreu marrëdhëniet diplomatike me Uashingtonin.
“Donald Trump la një fushë të minuar midis qeverisë së Shteteve të Bashkuara dhe Venezuelës … ai la një moçal. Unë e di, ne e dimë,” tha Maduro.
Ai shtoi se shpresonte që administrata e Biden do t’i jepte fund “ndërhyrjes” amerikane në Amerikën Latine.
Uashingtoni udhëhoqi presionin ndërkombëtar për të detyruar udhëheqësin socialist të dilte nga pushteti dhe Shtetet e Bashkuara ishin një nga vendet e para që mbështeti Guaido për një president të ri.
Shtetet e Bashkuara kanë vendosur sanksione financiare kundër Venezuelës, duke përfshirë edhe embargon e naftës, e cila ka qenë në fuqi që nga prilli 2019.
Ata gjithashtu akuzuan Maduron për trafik droge dhe ofruan një shpërblim prej 15 milion dollarësh për informacionin që mund të çonte në arrestimin e tij.
Pavarësisht presionit, Maduro mbetet në pushtet, i mbështetur nga ushtria venezueliane dhe aleatët kryesorë Kuba, Rusia, Kina, Turqia dhe Irani.
