Si të përballeni me stresin mendor?

Stresi është kudo dhe i pashmangshëm. Nuk ju mjafton koha gjatë ditës, faturat vijnë çdo muaj, përgjegjësitë grumbullohen dhe ju marrin kohën e lirë – tensioni rritet dhe e gjithë kjo çon në stres kronik. Dhe stresi mund të dëmtojë shëndetin tuaj fizik, ekuilibrin tuaj emocional dhe të zvogëlojë aftësinë tuaj për të menduar qartë, për të funksionuar në mënyrë efektive dhe për të shijuar jetën.

Por, si ta kuptoni nëse vuani nga tensioni i tepruar mendor që kthehet në stres kronik?

Kujdesuni për veten – disa simptoma do të tregojnë se ka një rritje të tepërt të hormoneve të stresit në trupin tuaj. Kjo rritje e hormoneve njihet si lufta kundër stresit ose ikja nga stresi. Adrenalina dhe norepinefrina rrisin presionin e gjakut, rrisin rrahjet e zemrës dhe ritmin me të cilin djersitni. Kortizoli, një tjetër hormon stresi, lëshon yndyrë dhe sheqer në trupin tuaj për të rritur energjinë tuaj. Kjo përgatit trupin tuaj për një përgjigje emergjente.

Pasi stresi ose kërcënimi kalon, nivelet e hormonit të stresit zakonisht kthehen në normale. Por nëse jeni nën stres të vazhdueshëm mendor, këto hormone mbeten të larta. Me kalimin e kohës, grumbullimi i këtyre hormoneve mund të dëmtojë shëndetin tuaj.

Si rezultat, mund të përjetoni dhimbje koke, tension muskulor, dhimbje, të përziera, marramendje, dhimbje të pashpjegueshme, frymëmarrje të shpejtë, rrahje të zemrës, rritje të presionit të gjakut. Në afat të gjatë, kjo mund t’ju vërë në rrezik të sulmit në zemër, goditje në tru, depresion ose ankth të rëndë.

Edhe pse mund të duket sikur nuk mund të bëni asgjë për të reduktuar stresin dhe tensionin, ju keni shumë më tepër kontroll sesa mendoni. Menaxhimi i ndërgjegjshëm dhe efektiv i stresit mund t’ju ndihmojë të kapërceni simptomat e pakëndshme dhe t’ju lejojë të ndiheni më të lumtur, më të shëndetshëm dhe më produktiv.

Filloni me hapa të vegjël:

• Kuptoni se cili është burimi juaj kryesor i stresit. Mundohuni të identifikoni se cilat situata ju bëjnë të ndiheni të mbingarkuar dhe nervozë, kushtojini vëmendje paralajmërimeve fizike si muskujt e tensionuar, lodhjen, dhimbjet e kokës ose migrenën. Nëse është e mundur, gjeni një zgjidhje praktike për t’i larguar këto situata nga përditshmëria juaj. Rishikoni orarin tuaj dhe gjeni më shumë kohë për pushim dhe aktivitete të këndshme relaksi.
• Hani shendetshem. Një dietë e shëndetshme mund të zvogëlojë rreziqet që stresi shkakton në trupin tuaj. Ju mund të mbroni shëndetin tuaj duke u siguruar që të merrni sasi të mjaftueshme të vitaminave dhe mineraleve në dietën tuaj.
• Mos e teproni me duhanin dhe përdorimin e alkoolit. Megjithëse nikotina dhe alkooli besohet se reduktojnë tensionin, ky perceptim është i gabuar. Hulumtimet tregojnë se pirja e duhanit krijon një ndjenjë të menjëhershme, të përkohshme relaksi, por mund të rrisë ndjenjat e ankthit. Alkooli funksionon në një mënyrë të ngjashme – ai mund t’i përkeqësojë problemet ekzistuese të shëndetit mendor dhe t’ju bëjë të ndiheni më të shqetësuar dhe të dëshpëruar në afat të gjatë.
• Sigurohuni që të bëni gjumë të qetë. Problemet e gjumit janë të zakonshme kur vuani nga stresi. Ka mundësi që të zgjoheni natën dhe mendimet nuk ju lejojnë të bini në gjumë. Është gjithashtu e mundur që thjesht të mos flini mjaftueshëm. Mundohuni të gjeni një zgjidhje adekuate për këto probleme në mënyrë që të mos përkeqësoni simptomat e stresit mendor dhe të lejoni trupin tuaj të rikuperohet.
• Bëni ushtrime. Ushtrimet e rregullta aerobike kanë aftësinë për të forcuar dhe relaksuar, për të siguruar paqe mendore, për të luftuar depresionin dhe për të lehtësuar stresin. Ushtrimet e frymëmarrjes dhe joga kanë një efekt të ngjashëm, ia vlen të shpenzoni të paktën pak kohë për to dhe t’i përfshini në jetën tuaj të përditshme.

Dhe tani që e dini tashmë se çfarë hapash duhet të ndërmerrni për të dalë nga modaliteti “luftoni ose ikni”, le të shohim se si Selenogin mund të mbështesë sistemin tuaj nervor dhe të bëhet ndihmësi juaj besnik në luftën kundër tensionit mendor dhe stresit. Përbërja e tij është zgjedhur për të mbështetur funksionin e trurit dhe për t’u kujdesur për kujtesën. Duhet ta keni vënë re se gjatë periudhave të stresit përhumbeni, humbni përqendrimin dhe filloni të harroni disa gjëra. Marrja e Selenogin mund t’ju ndihmojë të kapërceni këto efekte të pakëndshme.

Përbërja e Selenogin është një kombinim i substancave aktive që mbështesin trurin dhe sistemin nervor – selen, biotinë dhe acid pantotenik. Por le të hedhim një vështrim më të afërt në një përbërës tjetër të Selenogin – ekstraktin e xhinko biloba. Ekstrakti i xhinko biloba është treguar të jetë i dobishëm për problemet e kujtesës, nervozizmin, dhimbjet e kokës dhe zhurmën në vesh(tinnitus). Por ajo që është më interesante, studimet klinike tregojnë se marrja e njëkohshme e ekstraktit të gjetheve të Ginkgo biloba dhe citicolinës stimulon fuqishëm funksionet njohëse dhe kujtesën, madje mund të parandalojë zhvillimin e demencës.

Në fund të fundit, nëse bëni një mënyrë jetese të ekuilibruar, mbështesni trurin dhe trupin tuaj me lëndët ushqyese të duhura dhe i jepni vetes kohë të mjaftueshme për argëtim dhe relaksim, do të rrisni qëndrueshmërinë tuaj dhe do të filloni t’i përballoni sfidat më me qetësi./Shendeti.com.al