Subscribe
Forcat Operacionale prej 3 muajsh kanë mbajtur nën përgjim dhe në mbikëqyrje Ilir Pajën, i cili rezulton si një nga personat më të kërkuar nga Policia Italiane. Paja është dënuar me 25 vite burg në vendin fqinj për vrasje dhe rrëmbim personi.
Operacionalja, prej kohësh i kishte përgjuar edhe një numër telefoni Ilir Pajës, për të zbërthyer kontaktet që ky i fundit mund të kishte me organizata kriminale. Ai u arrestua të enjten pasdite në zonën e Laprakës në Tiranë ku edhe fshihej. 49-vjeçari nga Berati është strehuar për një kohë të gjatë tek disa të afërm të tij në këtë zonë të kryeqytetit. Gjatë arrestimit, policia i sekuestroi dhe një shumë prej 5 mijë eurosh.
Mediat italiane e njohin Ilir Pajën me nofkën ‘Ufo’, kjo për shkak se ai ka arritur që të arratiset nga burgu dy herë. Gjykata e Milanos e ka dënuar me 25 vite burg për vrasje dhe rrëmbim, ngjarje e ndodhur në vitin 2006.https://www.youtube.com/watch?v=DiIXWgnK87o
Paja ishte arrestuar edhe në vendin tonë në mars të vitit 2008, pasi mori përpara me makinë një efektiv të policisë së Tiranës, pasi ky i fundit e identifikoi dhe tentoi ta arrestonte.
Në vitin 2017, Paja u lirua nga burgu nga gjyqtarja e Krujës, Enkeleda Hoxha, me arsyetimin se vuante nga sëmundje të rënda.
Pritet që autoritetet ta ekstradojnë drejt Italisë, për tu përballur me drejtësinë.
