Gjykata e Posaçme ka miratuar masën e sigurisë “Arrest me burg” për Bujar Lezajn i dyshuar si bashkëpunëtor në vrasjen e Behar Sofisë Shkurtin e këtij viti, pranë Piramidës, në qendër të Tiranës.
Burime pranë gjykatës thanë se gjatë komunikimit të masës ai është përlotur. Sipas prokurorisë ky shtetas ka siguruar armën dhe bicikletën.
Ekzekutimi i masës dhënë në mungesë ndaj tij u bë në ambientet e burgut. Kujtojmë se Leza ishte vënë në pranga më herët nga Policia për “Dhunë në familje” dhe masa e sigurisë lëshuar nga Gjykata e Posaçme iu komunikua në ambientet e burgut të Fushë Krujës.
Sipas hetimeve që fillimisht u kryen nga Prokuroria e Tiranës dhe më pas dosja i kaloi SPAK. Referuar hetimeve të strukturës antikorrupsion 45-vjeçari, së bashku me të hetuarin tjetër Leonard Xhixha, kanë vëzhguar lëvizjet e viktimës.
Ndaj Lezës rëndojnë akuzat e “Vrasjes me paramendim” dhe “Mbajtja pa leje e armëve, armëve shpërthyese dhe municionit”, kryer në bashkëpunim si pjesë e një grupi kriminal.
Më herët, autoritetet kanë vëne në pranga shtetasin Ernejt Shyti si ekzekutor i 66-vjeçarit Behar Sofia, Skënder Vathin, Leonar Xhixhën dhe Xhuljano Vishën si bashkëpunëtor në vrasje.
…
/faxweb