Skip to content

Siri, 7 civilë të vdekur në sulmin e Rusisë në Idlib ndaj fshatrave të krishterë

Ndajeni këtë artikull me të tjerë duke klikuar ikonat më poshtë

Shtatë civilë, mes tyre 5 fëmijë, u vranë dhe 13 civilë të tjerë u plagosën si pasojë e sulmit ajror të avionit luftarak rus në fshatrat Yakubiyye dhe Judeida në provincën e Idlibit, ku jetojnë banorë të krishterë, në veriperëndim të Sirisë.

Sipas Observatorit të avionëve të opozitës, avionët luftarakë rusë, të cilët u ngritën nga baza Khmeimim në Latakia, kryen sulm ajror në fshatrat Yakubiyye dhe Judeida në perëndim të Idlibit.

Sipas informacionit të marrë nga zyrtarët e Mbrojtjes Civile të Idlibit (Helmetat e Bardha), nga sulmi ajror i avionit rus në fshatin Judeida të Idlibit, kanë humbur jetën 7 persona, mes të cilëve 5 fëmijë dhe 13 tjerë janë plagosur.

Përveç të krishterëve, në zonën ku ndodhi sulmi jetojnë edhe familje të zhvendosura.

Mësohet se ata që humbën jetën në sulm ishin civilë që u shpëtuan nga sulmet e regjimit të Bashar Asadit dhe mbështetësve të tij në provincën e Hama-s dhe u strehuan në rajon.

– Situata në Idlib

Në takimin e Astanës në vitin 2017, Turqia, Rusia dhe Irani vendosën të krijojnë 4 “zona deeskalimi” në zonën që nuk është nën kontrollin e regjimit të Asadit.

Regjimi, terroristët e mbështetur nga Irani dhe Rusia vazhduan sulmet e tyre dhe morën 3 nga 4 rajonet dhe u drejtuan për në Idlib.

Megjithëse Turqia në shtator 2018 arriti marrëveshje shtesë për të forcuar armëpushimin me Rusinë, sulmet u intensifikuan përsëri në maj 2019. Pas marrëveshjes së re mes Türkiye-s dhe Rusisë më 5 mars 2020, armëpushimi respektohet në masë të madhe.

Rreth 2 milionë civilë që ikën nga sulmet gjatë periudhës 2017-2020 u detyruan të migrojnë në rajonet afër kufirit turk.
Burimi: AA

Ndajeni këtë artikull me të tjerë duke klikuar ikonat më poshtë