Vrasja e gjyqtarit Astrit Kalaja në Gjykatën e Apelit tronditi opinionin publik.
Analisti Skënder Minxhozi në një intervistë në emisionin “Real Story” në ABC News, theksoi se vrasja e gjykatësit Astrit Kalaja është një ngjarje e paprecedentë.
Gjatë intervistës, analisti Minxhozi shtoi se kjo është një ngjarje shumë e rëndë dhe se ka qenë një problem i akumuluar pasojat e të cilave u shfaqën sot, me vrasjen e gjyqtarit Kalaja.
“Është një çështje që ka të bëjë me Kadastrat, bashkitë, një rrjetë e madhe institucionesh. Dhe kulmoi me këtë ngjarje që është shumë e rëndë kur vritet një gjyqtar. Dhe më e rëndë vrasja në krye të detyrës. Nëse do të jepte vendim të kundërt pala tjetër do të bënte të njëjtë gjë. Pra problemi është një problem i akumuluar që ky segment i kësaj drejtësia që ne i kemi vënë emrin ‘drejtësia e re’, kam frikë se edhe me të gjitha eksperienca dhe për të gjithë funksionimin e sistemi të themi të drejtën se nuk është se ka ndryshuar shumë. Sot në Shqipëri nuk e gjen dot drejtësinë, ose siç thotë një koleg i ynë, “drejtësi nuk është e nuk ka, por është shumë e shtrenjtë”. Para disa vitesh është bërë një shqyrtim i hartës gjyqësore. Në atë kohë u tha që nuk mundet të vijë Apeli i gjithë në Tiranë. Gjykatat e Apelit janë stërtkurrur sepse janë mbledhur të gjitha në Tiranë dhe në emër të kursimit të disa fondeve, krijohet edhe kaos”, tha analisti Skënder Minxhozi.
