Reshjet e dendura të shiut të ditëve të fundit kanë sjellë përmbytje në disa zona të vendit. Situata në Lezhë mëngjesin e sotëm paraqitet disi më e qetë.
Gazetari Gjergji Figuri raporton për abncews.al se niveli i lumit Drin është ulur me 40 cm. Po ashtu janë liruar rrugët e bllokuara të Kallmetit dhe Mërqisë.
Nga ana tjetër vijon të jetë e dëmtuar ura e Gjadrit. Zona me rrezik janë ato ku vijojnë rrëshqitjet e dheut si në Torovice, në lagjen Varosh të qytetit te Lezhës dhe në fshatrat Fan e Jezull të Mirditës ku janë evakuar disa familje.
