Skandal në qarkun e Gjirokastrës, ku që prej datës 17 tetor e deri sot ende nuk kanë mbërritur përgjigjet e tamponave për personat e dyshuar me covid 19. Janë rreth 200 tampona të marra ku përfshihen, efektiv policie, mësues, nxënës, punojës administrate apo edhe qytetarë.
Dita e diel ka qenë një ditë pushimi për punojesit e njvksh në Gjirokastër pasi nuk ka tampona për personat e dyshuar si të prekur nga covid 19, raporton gazetarja e Fax News Ervina Shehaj.
Rastet që deklarohen nga Ministria e Shëndetësisë në përditësimin ditor janë ato raste të cilat tamponi kryhet tek privati. Pasojat e mungesës së tamponave do të ndikojnë në përhapjen në masë të covid 19, pasi personat e dyshuar dalin lirisht rrugëve, sa kohë që nuk marrin përgjigje.
Edhe pse Gjirokastra tashmë është kthyer në një vatër të nxehtë të covid 19, nuk mungojnë as aktivitetet e ndryshme ku kemi grumbullime masive të qytetareve si pasditen e djeshme ku është festuar dhe halloëeen në pazarin karakteristik, ku policia ka qenë inegzistente pasi nuk është zbatuar protokolli i covid 19.
(E.K/Faxweb.al)
/faxweb