Për herë të parë në 30 vite, Partisë Demokratike, forcë e cila ka drejtuar historikisht Bashkinë e Shkodrës që pas rrëzimit të komunizmit, nuk ka arritur të sigurojë qoftë edhe një votë në qendrën e votimit numër 118, në njësinë administrative Shalë.
Sipas rezultateve të publikuara nga KQZ, asnjë qytetar në këtë qendër nuk i besoi votën kandidatit demokrat, Xhemal Bushati.
Në këtë bashki, gara kryesohet nga kandidati i koalicionit “Shtëpia e Lirisë”, Bardh Spahia, ndërsa e dyta renditet socialistja Majlinda Angoni.
