Ish-ministri i Shëndetësisë Leonard Solis në një intervistë për “ABC News” ka folur për menaxhimin e pandemisë.
Solis u shpreh se vendi ka fituar një betejë dhe se kjo situatë në Shqipëri sipas tij thuajse kaloi pa u ndjerë.
“Qeveria veproi sipas udhëzimeve të OBSH dhe sipas ekspertëve. Ky virus nuk është si gripi dhe situata ende nuk është mbyllur”, u shpreh ai.
Në një intervistë të dhënë më parë për gazetarin Endri Xhafo, ish-ministri i Shëndetësisë ishte shprehur: “Ky virus individit nuk i bën gjë, por shtetin e ul në gjunjë?
Ndërkohë gjatë intervistës, Solis theksoi se virusi ishte një goditje e madhe për shumë vende, por Shqipëria fatmirësisht falë masave të marra sipas tij e kaloi pa u ndjerë.
Solis: Fazën e parë dhe shumë të rëndësishme falë masave të marra e kaluam shumë mirë. Vetëm në QSUT ka 70 vdekje në muaj. Bllokimi i të gjitha strukturave dhe mungesa e të sëmurëve kronikë do të sjellë rezultate të tjera.
Sanatoriumi është strukturë e domosdoshme. Në vitin më të qetë vdesin 21 mijë për shkaqe të ndryshme. Por kurrë nuk ka qenë ky spital kaq bosh. Sot njeriu e ndjen veten zbuluar nga sëmundje kardiovaskulare. Hidhemi në krahun e penalltisë, por me vonesë. Duhet një strategji më e shpejtë.
Gjithashtu ai theksoi se duhet të treguar më shumë, fleksibilitet dhe të shtohen më shumë testime. Ndërsa shtoi se beteja nuk ka mbaruar dhe për këtë arsye duhet treguar kujdes. Edhe pasi të lirohen masat transporti publik do të jetë shumë problematik.
“Kjo situatë nuk është mbyllur edhe pse fazën e parë Shqipëria e kaloi shumë mirë. Gjatë verës virusi do të transmetohet në vatra. Nuk do të zhduket”, u shpreh ai.
Përse mendoni se në tetor do të ketë të njëjtën forcë?
Solis: Bie pjesa e vapës dhe do të fillojë faza e dytë dhe e tretë. Forca goditëse e virusit do të jetë më e madhe dhe ne duhet të jemi vigjilent. Vazhdimisht virusi bën mutacione ndaj dhe është e vështirë të realizohen vaksina.
Në Shqipëri duhet hapur më shumë, më shpejt dhe ekonomia duhet të fillojë. Po të më thuash kë do të zgjedhësh vdekjen nga koronavirusi apo varfëria do të zgjidhja virusin. Duhet një hapje më e shpejtë”, u shpreh ai.
Më tej ish-ministri i Shëndetësisë tha se vdekjet nga sëmundjet e tjera do të jenë shumë më të larta për shkak të frikës së COVID-19.
“Ka një përqindje shumë e lartë e pacientëve apsimptomaik. Të gjithë duhet të jemi alert secili duhet të mbrojë veten e tij, pasi kjo situatë nuk ka mbaruar. Epidemia të ul në “gjunjë”, masat janë probleme komplekse ekonomike-shkencore”, u shpreh ai.
