Disa viktima u raportuan sot pas një shpërthimi me bombë që shënjestroi zyrtarë të lartë të qeverisë rajonale në qytetin jugperëndimor të Somalisë, Baidoa.

Një zyrtar i sigurisë në Baidoa tha për AA përmes telefonit se raportimet fillestare tregojnë se Hassan Ibrahim Lugbur, ministër i Drejtësisë në shtetin jugperëndimor, është mes të vdekurve.

Ai shtoi se bomba shpërtheu menjëherë pasi Lugbur u largua nga një xhami pas namazit të xhumasë.

Zyrtari tha se të paktën shtatë persona u plagosën gjithashtu në sulm dhe u dërguan në spitalet lokale.

Baidoa, qyteti më i madh në shtetin jugperëndimor, ndodhet 245 kilometra në jugperëndim të kryeqytetit Mogadishu.

Asnjë grup nuk e ka marrë ende përgjegjësinë për shpërthimin, por grupi terrorist al-Shabaab i lidhur me Al-Kaedën ka marrë përgjegjësinë për shumë sulme të fundit në vendin e Bririt të Afrikës.
Burimi: AA

Subscribe kanalin tonë në Youtube për të mos humbur asnjë video të re