Kryeministri Edi Rama ka pritur së fundmi në zyrën e tij në Kryeministri ish-presidentin francez Nicolas Sarkozy.
Rama ka publikuar një video nga takimi, ku shihet se e ka prezantuar Sarkozyn me ambientet e Kryeministrisë
“Me mikun e çmuar, Presidentin Nicolas Sarkozy, në selinë e Kryeministrisë”, shkruan kryeministri krahas videos.
Ende nuk ka konfirmim zyrtar nëse Rama do të shkojë në Butrint mbrëmjen e sotme për të qenë pjesë e koncertit të Carla Brunit, por besohet se do të jetë bashkë me mikun francez.
Kantautorja dhe modelja e njohur, njëherazi bashkëshortja e ish-Presidentit francez Nicolas Sarkozy, Carla Bruni, do të këndojë në Butrint sonte në orën 21:00, pak pas fillimit të protestës në Tiranë.
Carla Bruni është e ftuar speciale në Butrint në ‘Festën e muzikës’ dhe do këndojë për publikun shqiptar 11 këngë nga albumi i saj ‘French touch’.
