Sot Dita e Europës/ Presidenti Meta shpërndan mesazhin: Bëjmë çdo përpjekje për nisjen e negociatave që do ta shoqërojë Shqipërinë drejt anëtarësimit në BE!

Presidenti i Republikës, Ilir Meta ka shpërndarë një mesazh solidarizues në Ditën e Europës.

Gjatë një postimi në rrjetet sociale, Meta shkruan se Shqipëria po bën përpjekje për të nisur sa më shpejt negociatat dhe më pas anëtarësimin e plotë drejt Bashkimit Europian.

Reagimi nga Ilir Meta:
“Sot, në Ditën e Europës, jemi edhe më shumë të vetëdijshëm për rëndësinë e projektit më të madh politik të paqes dhe përbashkimit rreth vlerave që garantojnë bashkëjetesën mes kombeve në kontinentin tonë.

Qëndrojmë përkrah Ukrainës me shpresën e rikthimit sa më parë të paqes në Europë, dhe të bëjmë çdo përpjekje për të nisur procesin e negociatave që do ta shoqërojë Shqipërinë drejt anëtarësimit në familjen së saj të natyrshme europiane!”